لاڑکانہ (نمائندہ جسارت) لاڑکانہ پولیس نے جرائم پیشہ افراد کیخلاف کارروائیاں کرتے ہوئے چوری، منشیات اور ناجائز اسلحے کے مقدمات میں روپوش و مطلوب چار کو ملزمان گرفتار کرکے سونے کے زیورات، نقدی، اسلحہ اور منشیات برآمد کرکے مقدمات درج کرلیے ہیں۔ سول لائن پولیس نے چوری میں ملوث دو ملزمان مجیب ناریجو اور زوہیب کلہوڑو کو گرفتار کرکے ان کے قبضے سے چوری شدہ مالیت دس تولے سونے کے زیورات اور 32 ہزار نقدی برآمد کرلی۔ علی گوہر آباد پولیس نے دوران چیکنگ پیر شیر روڈ سے سنگین مقدمات میں روپوش ملزم خالد کورائی کو شاٹ گن اور کارتوسوں سمیت جبکہ دڑی پولیس نے بیت المال کالونی میں کارروائی کرتے ہوئے منشیات فروش شعیب سولنگی کو چرس سمیت گرفتار کرلیا۔ پولیس کے مطابق گرفتار ملزمان کیخلاف مقدمات درج کرکے تفتیش شروع کردی۔
