اسلام آباد (آن لائن) چیئرمین پیپلزپارٹی بلاول زرداری4 جولائی سے آزاد کشمیر کے دورے کا دوسرا مرحلہ شروع کریں گے، جہاں وہ25 جولائی کے عام انتخابات کی انتخابی مہم کے دوسرے مرحلے کا آغاز کریں گے۔ راجا پرویز اشرف، قمرالزمان کائرہ ان کے ساتھ ہوں گے۔ اس ضمن میں بلاول زرداری کی زیر قیادت انتخابی مہم کے دوسرے مرحلے کے شیڈول کا اعلان کردیا گیا۔ شیڈول کے مطابق بلاول4 جولائی کو پلندری میں، 5 جولائی کو نکیال میں جاوید اقبال بڈھانوی،7 جولائی کو عباسپور میں امجد یوسف،8 جولائی کو حویلی میں فیصل ممتاز راٹھور، 9 جولائی کو میرپور میں چودھری قاسم مجید اور23 جولائی کو مظفرآباد میں جلسے سے خطاب کریں گے۔
