لاہور(نمائندہ جسارت)سابق وزیراعظم نواز شریف اور مسلم لیگ (ن) کے صدر شہباز شریف کے کزن صنعتکار میاں طارق شفیع انتقال کرگئے ۔ خاندانی ذرائع کے مطابق میاں طارق شفیع کا انتقال دل کا دورہ پڑنے کی وجہ سے ہوا۔طارق شفیع کے انتقال کی خبر سن کر شہباز شریف اسلام آباد سے لاہور روانہ ہوئے۔واضح رہے کہ طارق شفیع اتفاق فاﺅنڈریز کا حصہ رہے اورشریف خاندان کے دبئی میں کاروبار کی دیکھ بھال کرتے رہے ہیں۔ وہ شفیع گروپ آف کمپنیز کے ڈائریکٹر تھے اور شوگر ملز ، اسٹیل ملز اور پولٹری فیڈزکے پیداواری یونٹ چلاتے تھے اور سینئر (ن) لیگی رہنما سہیل ضیا بٹ کے بہنوئی تھے۔
