پشاور (اے پی پی) مردان کے علاقے پلوڈھیری میں پولیو ٹیم پر نامعلوم افراد کی فائرنگ سے ٹیم کی حفاظت پر مامور 2 پولیس اہلکار شہید ہوگئے۔ پولیس حکام کا کہنا ہے کہ نامعلوم افراد 125سی سی موٹر سائیکل پر سوار تھے جنہوں نے فائرنگ کی اور فرار ہونے میں کامیاب ہو گئے، واقعے کی اطلاع ملتے ہی ریسکیو اور پولیس کی ٹیمیں جائے وقوع پر پہنچ گئیں، لاشوں کو مردان اسپتال منتقل کردیا گیا ہے، شہید پولیس اہلکاروں میں سید رضا علی شاہ اور شاکر شامل ہیں۔ جب کہ پولیس نے علاقے کو گھیرے میں لے کر سرچ آپریشن شروع کردیا ہے۔
