لاہور(مانیٹرنگ ڈیسک) اوکاڑہ میں چھت گرنے سے 3 بچے اور 3 خواتین جاں بحق ہوگئے، تمام افراد کا تعلق ایک ہی خاندان سے ہے۔نجی ٹی وی کے مطابق اوکاڑہ کے نواح میں ایک مکان کی چھت گرنے کا واقعہ پیش آیا جس میں 6 افراد جاں بحق ہوگئے۔ امدادی ذرائع کے مطابق چھت گرنے کا واقعہ بنگلہ گوگیرہ کی نواحی بستی طارق آباد میں پیش آیا جس کے نتیجے میں ایک گھر میں موجود 3 خواتین اور 3 بچے جاں بحق ہوگئے۔واقعے کے بعد امدادی ٹیمیں اور پولیس جائے حادثہ پر پہنچ گئے اور ملبہ ہٹاکر لاشوں کو اسپتال منتقل کردیا۔
