محکمہ موسمیات کا کہنا ہے کہ خیبر پختونخوا، گلگت بلتستان اور آزاد کشمیر کے چند مقامات پر گرج چمک کے ساتھ بارش کا امکان ہے۔
موسم کی صورتحال بتاتے ہوئے محکمہ موسمیات نے کہا کہ آج ملک کے بیشتر علاقوں میں موسم گرم اور خشک رہے گا جب کہ بالائی خیبر پختونخوا، گلگت بلتستان اور کشمیرمیں چند مقامات پر گرج چمک کے ساتھ بارش کا امکان ہے۔
محکمہ موسمیات نے مزید کہا کہ ملک کے وسطی و زیریں اضلاع میں موسم شدید گرم اور خشک رہے گا جب کہ شدید گرمی کے باعث ملک کے میدانی علاقوں میں بعد از دوپہر گرد آلود ہوائیں چلنے کا امکان ہے۔
