پیرس(جسارت نیوز)سال کے دوسرے گرینڈ سلیم فرنچ اوپن ٹینس ٹورنامنٹ کا آغاز آج سے فرانس کے دارالحکومت پیرس میں ہو رہا ہے۔ میگا ایونٹ کا 125واں ایڈیشن کلے کورٹ پر کھیلا جائے گا جس میں دنیائے ٹینس کے نامور کھلاڑی اپنی صلاحیتوں کے جوہر دکھائیں گے۔ 2 ہفتوں تک جاری رہنے والے اس ٹورنامنٹ میں مینز سنگلز، ویمنز سنگلز، مینز ڈبلز، ویمنز ڈبلز اور مکسڈ ڈبلز کے مقابلے ہوں گی۔ عالمی نمبر 2اسپین کے رافیل نڈال مینز سنگلز میں ٹائٹل کا دفاع کریں گے جبکہ دیگر نمایاں کھلاڑیوں میں عالمی نمبر ایک سربیا کے نواک جوکووچ، سوئٹزرلینڈ کے راجر فیڈرر، یونان کے سٹیفانوس ودیگر شامل ہیں۔
