اسلام آباد (آن لائن)ن لیگی صدر اور قومی اسمبلی میں قائد حزب اختلاف شہباز شریف نے اپوزیشن کے پارلیمانی رہنمائوں کو پیر کو عشایے کی دعوت دے دی۔ ن لیگ ذرائع کا کہنا ہے کہ عشایے کی دعوت شہباز شریف نے بطور اپوزیشن لیڈر دی ہے۔عشایے میں سینیٹ اور قومی اسمبلی میں اپوزیشن کی تمام جماعتوں کے پارلیمانی رہنمائوں کو دعوت دی گئی ہے۔ سابق صدر آصف زرداری اور بلاول زرداری کو بھی مدعو کیا گیا ہے۔جس کے دعوت نامے بھی جاری کردیے گئے ہیں ۔ عشایے کے موقع پر ملکی سیاسی صورتحال پر بھی تبادلہ خیال ہوگا،شہبازشریف دوبارہ اپوزیشن کی تمام جماعتوں کو ایک پلیٹ فارم پر جمع کرنے کے لیے کوشاں ہیں۔
