احمد آباد (انٹرنیشنل ڈیسک) بھارت میں سمندری طوفان تاؤتے کے باعث ڈوبنے والے جہاز کے مسافروں کو ممبئی پہنچادیا گیا۔ خبررساں اداروں کے مطابق منگل کے روز گجرات کے قریب جہاز ڈوبنے کے بعد سے لاپتا افراد کی تلاش کے دوران 22لاشوں کو تلاش کرلیا گیا۔ دوسری جانب وزیر اعظم نریندر مودی نے طوفان تاؤتے سے ہونے والے نقصان کا جائزہ لینے کے لیے ریاست گجرات کا دورہ کیا۔ وزیراعظم مودی ائر فورس کے طیارے سے بھاؤ نگر پہنچے اور وہاں سے ہیلی کاپٹر میں بیٹھ کر متاثرہ علاقوں کا فضائی معاینہ کیا۔ یاد ر ہے کہ منگل کے روز گجرات کے ساحل سے طوفان ٹکرانے کے بعد 32 افراد ہلاک ہوگئے تھے۔ طوفان نے فصلوں، مکانات اور سڑکوں کو بڑے پیمانے پر نقصان پہنچایا۔
