شیخوپورہ: ڈپٹی کمشنر (ڈی سی) شیخوپورہ نے سابق وزیراعظم نوازشریف کی ضبط شدہ جائیداد کی نیلامی کیلئے تاریخ مقرر کر دی ہے۔
تفصیلات کے مطابق نوازشریف کی شیخوپورہ میں ضبط شدہ جائیدادیں20مئی کو نیلام کی جائیں گی جبکہ ڈی سی شیخوپورہ کی جانب سے بولی کیلئے تاریخ مقررکرنےکا اعلان، اسلام آباد ہائیکورٹ میں چیلنج کر دیا گیا ہے۔
درخواست گزار اشرف ملک کے مطابق انہوں نے شیخوپورہ کی88کنال اراضی نواز شریف سے خرید لی ہے اور نوازشریف کو 75ملین روپے کی ادائیگی بھی کی جاچکی ہے جبکہ نوازشریف کی گرفتاری کے باعث سیل ڈیڈ پرعملدرآمدنہ ہوسکا اور سیل ڈیڈ پرعملدرآمد کیلئےسول کورٹ سے رجوع کررکھا ہے۔
دوسری جانب نوازشریف کے لاہورمیں پھلوں کے باغات کی نیلامی کا فیصلہ بھی اسلام آباد ہائیکورٹ میں چیلنج کر دیا گیا ہے اور درخواست گزار نے اپیل کی کہ ڈی سی لاہور 105 ایکٹر اراضی نیلام کرنے کیلیے قبضےمیں لے رہے ہیں جبکہ ہم نے زمینیں ٹھیکے پرلے کربھاری سرمایہ کاری کی ہے اور پھلوں کے باغ پرلگا سرمایہ ابھی واپس نہیں ہوا۔
خیال رپے درخواست گزار نے لکھا ہےکہ نیلامی سےمیری سرمایہ کاری ضائع ہونےکاخدشہ ہے جبکہ اب تک بھاری سرمایہ کاری ہوچکی ہے۔
