لاڑکانہ(نمائندہ جسارت) لاڑکانہ پولیس نے جرائم پیشہ افراد کے ناپاک مقاصد کو ناکام بناتے ہوئے مبینہ مقابلے کے دوران دو مسلح ملزمان کو گرفتار کرکے اسلحہ اور گولیاں برآمد کرلے مقدمہ کرکے تفتیش شروع کردی ہے، پولیس کے مطابق گرفتار ملزمان تھانہ ڈوکری کی حدود میتلا موڑ کے قریب واردات کے ارادے سے کھڑے تھے جن کے خلاف تھانہ ڈوکری میں پولیس مقابلے اور ناجائز اسلحہ کے الگ الگ مقدمات درج کیے گئے ہیں جن کی شناخت فدا جونیجو اور الطاف کلہوڑو کے نام سے ہوئی ہے، گرفتار ملزمان سے ابتدائی تفتیش کا سلسلہ جاری ہے۔دوسری جانب بھانڈو قبو کے قریب برآمد ہونے والی مال مویشی شکارپور ضلع کے رہائش پذیر رب نواز نامی شہری کی ہیں، بھینسوں کے مذکورہ مالک کو تھانہ رتودیرو پر طلب کیا گیا جہاں پر برآمد بھینسیں ان کے حوالے کردی گئیں، دوسری جانب ایس ایس پی لاڑکانہ عمران قریشی نے مقابلے میں حصہ لینے والی پولیس ٹیم کے لیے شاباش کے پیغامات جاری کردیے ہیں۔
