کراچی (اسٹاف رپورٹر )صحت، حفاظت و ماحولیات کے شعبے میں معروف، گروسیف نے 8 شرکاء کی قابلیت کی بنیاد پر شمولیت کے ساتھ سمر انٹرنشپ پروگرام 2025 کے کامیاب آغاز کا اعلان کردیا ہے۔
مذکورہ 8 طلبہ و طالبات نے ادارے کے مختلف کلیدی شعبوں، خصوصاً سیلز اور مارکیٹنگ، انفارمیشن ٹیکنالوجی، ایڈمنسٹریشن اور تیکنیکی سروسز میں 6 ہفتوں پر مشتمل انٹرنشپ کا آغاز کیا۔
اس پروگرام کے ذریعے ادارہ، نہ صرف درکار ملکی صنعتی استعداد، بلکہ افرادی قوت کے شعبے کو تقویت دینے کا اعادہ کرتا ہے۔ سیکھنے اور آگے بڑھنے کے ان اقدامات کا مقصد تعلیمی اور عملی شعبوں میں موجود خلیج کو پرُ کرنا ہے، اور اس طرح طلبہ و طالبات، خاصکر فارغ التحصیل نوجوانوں کے لیے تربیت کے اہم مواقعے پیدا ہورہے ہیں۔
یہ انٹرنشپ گروسیف کے کارپوریٹ سوشل ذمداری کے حوالے سے عزم کو بھی عیاں کرتی ہے، جس کا خاص ہدف اسمال اور میڈیم انٹرپرائزز اور قیادت کی صلاحیت رکھنے والے افراد کو اجاگر کرنا اور تابناک ملکی مستقبل کو یقینی بنانا ہے۔
یوں ادارہ قابل افراد کی حوصلہ افزائی اورحفاظت، صحت اور ماحولیات کی معلومات عام کرنے کے اپنے مشن کو آگے بڑھارہا ہے تاکہ آنے والے دنوں میں پاکستان ایک پائیدار اور قابلِ انحصار صنعتی مستقبل کو یقینی بناسکے۔
