بنگلور: بھارت میں مسافر خاتون نے بس آفس کے قریب نہ روکنے پر ڈرائیور پر چپلوں کی بارش کردی۔
میڈیا رپورٹ کے مطابق بنگلورو میں کاویا نامی خاتون بس میں سفر کرتے ہوئے آفس جارہی تھیں اور انہوں نے ڈرائیور کو آفس کے قریب ہی بس روکنے کا کہا جس پر ڈرائیور ان کی بات نہ سن پایا۔اس وجہ سے کاویا غصے میں آگئی اور چپل اتار کر ڈرائیور کو مارنا شروع کردیا۔
میڈیاذرائع کا کہناتھا کہ بس ڈرائیور اطہر حسین نے خاتون کے خلاف پولیس میں شکایت درج کروائی اور مؤقف اختیار کیا کہ خاتون اسٹاپ سے آگے بس روکنے کا تقاضہ کررہی تھیں جو میں نہیں کرسکتا تھا میرا یہ اقدام ٹریفک قوانین کی خلاف ورزی کے زمرے میں آتا۔
ڈرائیور کے مطابق جب خاتون کو بس میں سی سی ٹی وی سے متعلق بتایا تو وہ مزید غصے میں آگئیں اور مجھے چپل سے مارنا شروع کردیا۔ ڈرائیور کی درخواست کے بعد خاتون کو پولیس نے حراست میں لے لیا۔
