کٹھ منڈو (انٹرنیشنل ویب ڈیسک) نیپال میں آسمانی بجلی گرنے سے 2 افراد ہلاک جبکہ متعدد زخمی ہونے کی اطلاعات ہیں۔
غیر ملکی میڈیا کی رپورٹ کے مطابق محکمہ نیشنل ڈیزاسٹر رسک ریڈکشن اینڈ مینجمنٹ اتھارٹی کے حکام نے ایک خبر نشر کی ہے، جس میں بتایا گیا ہے کہ نیپال کے علاقے ضلع کائلا لی اور ضلع مکوانپور میں 2 افراد کی ہلاکتوں کی اطلاعات موصول ہوئیں ہیں۔ ہلاک شدگان میں 1 بچہ اور 1 شخص شامل ہے۔
دیگر رپورٹ کے مطابق ضلع کھوٹانگ میں 2 بچے اور 1 معمر خاتون بھی زخمی ہوئیں ہیں، جہاں مزید ہلاکتوں کے خدشات بتائے گئے ہیں۔
حکام نے شہریوں کو خبردار کیا ہے کہ گرج چمک کے دوران گھروں کے اندر رہیں۔