کراچی (کامرس رپورٹر ) معروف سماجی شخصیت ،آرام باغ تاجر اتحاد کے چیئرمین حافظ سید کلیم شاہ کی جانب ختم القرآن کی تقریب کے موقع پر تاجر رہنماؤں ، سیاسی ،سماجی ، صحافی ودیگر شخصیات اور پولیس افسران نے شرکت کی ۔ حافظ سید کلیم شاہ گزشتہ27 برس سے قرآن پاک کی تکمیل پر خصوصی تقریب کا اہتمام کرتے ہیں۔ تفصیلات کے مطابق معروف سماجی ، کاروباری شخصیت اور آرام باغ فرنیچر تاجر اتحاد کے چیئرمین حافظ سید کلیم شاہ کی جانب سے ہر سال کی طرح رواں سال بھی ماہ رمضان شریف کے دوران آفندی منزل میں تکمیل قرآن پر دعائیہ تقریب کا اہتمام کیا گیا۔ اس موقع پر معروف کاروباری رہنما کراچی ٹمبر مرچنٹس کے سرپرست اعلیٰ سلیمان سومرو ، لیاقت آباد کریانہ مارکیٹ کے رہنما انصار بیگ قادری ، کراچی الیکٹرونکس ڈیلرز ایسوسی ایشن کے صدر رضوان عرفان ، سندھ تاجر اتحاد کے چیئرمین جمیل پراچہ ، بولٹن مارکیٹ تاجر اتحاد کے چیئرمین شریف میمن ، میٹھادر صرافہ مارکیٹ کے محمد شاکر فینسی ، گرین ٹمبر مارکیٹ کے رہنما طاہر سربازی ، الائنس آف آرام باغ مارکیٹ کے چیئرمین آصف گلفام ،الطاف سومرو ،ڈی ایس پی سہیل احمد ، آرام باغ الیکٹرونکس مارکیٹس کے سرپرست اعلیٰ عمران مستقیم، جاوید ارشاد ،محمد نسیم ، علی سومرو ،سینئر صحافی عبدالستار آزاد ،ایس او آرام باغ محمد نثار ، ڈی ایس چودھری شاہد، آرام باغ فرنیچر مارکیٹ کے صدر انجم موسانی ، ایس ایچ او آرام باغ شاہ فیصل ،جناح اسپتال کے سرجن ڈاکٹر سلمان ،ڈاکٹر عزیز اور دیگر نے شرکت کی۔
