اسلام آباد(صباح نیوز)ہائرایجوکیشن کمیشن کے ترقیاتی منصوبوں کے لیے 36ارب 66کروڑ روپے جاری کردیے گئے ہیں۔وزارت منصوبہ بندی ،ترقی و اصلاحات نے سرکاری شعبے کے ترقیاتی پروگراموں میں ہائیر ایجوکیشن کمیشن کے ترقیاتی منصوبوں کے لیے اب تک 36ارب 66کروڑ روپے کے فنڈز جاری کیے ہیں۔ پلاننگ کمیشن کے اعدادوشمار کے مطابق وفاقی حکومت نے رواں مالی سال کے دوران ایچ ای سی کے ترقیاتی کاموں کے لیے 61ارب 11کروڑ روپے سے زیادہ کے فنڈز مختص کیے ہیں جن میں سے 36ارب 66کروڑ روپے جاری جبکہ 13ارب 25کروڑ روپے خرچ کیے جاچکے ہیں۔
