کراچی (کامرس رپورٹر)جاز کیش اور پاکستان انٹرنیشنل ایئرلائنز کے درمیان شراکت داری کے تحت مسافر اب جاز کیش کے ذریعے اپنی پروازوں کی ڈیجیٹل ادائیگی کر سکیں گے۔ اس سہولت سے 48 ملین جاز کیش صارفین، خاص طور پر دیہی اور نیم شہری علاقوں کے افراد، بغیر بینک اکاؤنٹ کے آسانی سے پی آئی اے ٹکٹ بک کر سکیں گے۔نئی سروس کے تحت مسافر پی آئی اے ہیلپ لائن پر بکنگ کے بعد PSID نمبر حاصل کریں گے، جسے جاز کیش ایجنٹ یا ایپ کے ذریعے ادا کیا جا سکتا ہے۔ ادائیگی مکمل ہونے پر پی آئی اے فوری طور پر ٹکٹ جاری کرے گی۔جاز کیش کے صدر مرتضیٰ علی نے کہا کہ جاز کیش کے وسیع ایجنٹ نیٹ ورک اور ایپ کے ذریعے ہم لاکھوں پاکستانیوں کو سہولت فراہم کر رہے ہیں، خاص طور پر ان لوگوں کو جو بینک اکاؤنٹ نہ ہونے کی وجہ سے ٹکٹنگ ایجنسیوں یا روایتی بینکنگ ذرائع پر انحصار کرتے تھے۔ اب وہ آسانی سے پی آئی اے کی ٹکٹ بُک کر سکیں گے۔پی آئی اے کے چیف کمرشل آفیسر، نوشیروان عادل نے بھی اس شراکت داری کو مسافروں کے لیے ایک بڑی سہولت قرار دیا۔
