جیکب آباد ،مدد پورفیڈرصارفینکا بجلی کی طویل بند پر احتجاج

جیکب آباد(نمائندہ جسارت)جیکب آباد سیپکو کے مددپور فیڈرصارفین کابجلی کی طویل بندش پر احتجاج ایس ڈی او اور لائن سپرنٹنڈنٹ کے خلاف نعرے ۔جیکب آباد سیپکو مدد پور فیڈر کے صارفین نے احتجاج کرتے ہوئے صحافیوں کو بتایا کہ مددپور فیڈر پر مسلسل 23گھنٹے لوڈ شیڈنگ کا دورانیہ کر دیا گیا ہے جبکہ ایس ڈی او امداد علی پنھیار اور لائن سپرنٹنڈنٹ مسعود سرھیو کی ملی بھگت سے فیڈر بغیر لائن مین کے چلنے لگا روزانہ فیڈر کی مین لائن کو خود ہی گراکر فیڈر کو بند کر دیا جاتاہے صارفین نے صحافیوں کو مزید بتایا کہ ایس ڈی او اور ایل ایس کی ملی بھگت کو نہ روکا گیا تو مدد پور کے صارفین ایم این اے میر اعجاز خان جکھرانی اور ایم پی اے حاجی شیر محمد مغیری کے بنگلوں کے سامنے احتجاجی دھرنا دیںگے۔