اے این پی کو جلسے کیلیے ہر ممکن سہولیات فراہم کریں گے، سینیٹر عرفان صدیقی

اسلام آباد (اے پی پی)سینیٹ میں پاکستان مسلم لیگ (ن) کے پارلیمانی لیڈر سینیٹر عرفان صدیقی نے کہا ہے کہ اے این پی جلائو گھیرائو کی سیاست پر یقین نہیں رکھتی، اسے جلسے کیلئے ہر ممکن سہولیات فراہم کریں گے۔ جمعرات کو ایوان بالا کے اجلاس میں اظہار خیال کرتے ہوئے سینیٹر عرفان الحق صدیقی نے کہا کہ اے این پی جمہوری جماعت ہے، کبھی جلائو گھیرائو کی سیاست پر یقین نہیں رکھا، ان کے جلسے پرامن ہوتے ہیں۔ انہوں نے کہا کہ اے این پی نے ماضی میں
بھی پرامن جلسے کئے، ہر جماعت کو پرامن احتجاج کا حق حاصل ہے، اے این پی کو جلسے کیلئے ہر قسم کی سہولت فراہم کریں گے۔