کراچی‘ 20 ہزار چینی کی بوریاںذخیرہ کرنے کی کوشش ناکام

کراچی( اسٹاف رپورٹر)پولیس نے اسسٹنٹ کمشنر لانڈھی کے احکامات پر رمضان سے قبل کروڑوں روپے مالیت کی20 ہزار کے قریب چینی کی بوریاںذخیرہ کرنے کی کوشش ناکام بناتے ہوئے تحویل میں لے لیں۔ تفصیلات کے مطابق کراچی میں رمضان سے قبل کروڑوں مالیت کی چینی ذخیرہ کرنے کی کوشش ناکام بنادی گئی، اسسٹنٹ کمشنر لانڈھی اور پولیس سمیت دیگرحکام نے کورنگی میں گودام پر چھاپہ مارا۔چھاپے کے دوران ذخیرہ کی گئی 20 ہزار کے قریب چینی کی بوریاں برآمد کرلیں، برآمد شدہ مال سندھ کی 9 شوگر ملز کا ہے۔بوریوں پر ایف بی
آر کا جعلی اسٹیکر بھی لگا ہوا ہے۔ وزیراعظم کی ہدایت پر بڑا ٹارگٹڈ آپریشن کیا جا رہا ہے۔چھاپے میں ایف بی آر،بیوروآف سپلائی اینڈپرائس کنٹرول افسران شریک ہوئے، آپریشن میں شریک افسران کی جانب سے رجسٹر چیک کیے جا رہے ہیں۔