کراچی( اسپورٹس رپورٹر)ریجنل کرکٹ ایسوسی ایشن کراچی زون چھ کے زیر اہتمام پہلے نگہت عمر T-20 کرکٹ ٹورنامنٹ میں مزید دو میچوں کے فیصلے ہو گئے۔ نیا ناظم آباد جیمخانہ گراؤنڈ پر کھیلے گئے میچوں میں نیشنل جیمخانہ نے راوی جیمخانہ کو دلچسپ مقابلے کے بعد 13 رنز سے اورنگی اسٹار کرکٹ کلب نے پاپوش نگر کرکٹ کلب کو 5 وکٹوں سے شکست دیکر اگلے مرحلے میں کھیلنے کا اعزاز حاصل کر لیا۔ پہلے میچ میں پاپوش نگر کرکٹ کلب نے پہلے بیٹنگ کرتے ہوئے 137 رنز 9 وکٹوں کے نقصان پر مقررہ 20 اوورز میں بنائے۔ ریحان اسلام 40،محمد حماد 24،جنت گل نے 21 رنز بنائے خزیمہ الطاف نے 25 رنز دیکر 3 وکٹیں عبد الحنان نے 22رنز دیکر2 وکٹیں حاصل کیں۔جواب میں مطلوبہ اسکور اورنگی اسٹار کرکٹ کلب نے 5 وکٹوں کے نقصان پر 15.5 اوورز میں پورا کر لیا.حسن علی نے ناقابل شکست 84 رنز 7 چوکوں 7 چھکوں مدد سے بنائے حنان خان نے 25 رنز بنائے طحہٰ شاہد نے 14 رنز دیکر 2 وکٹیں حاصل کیں۔دوسرے میچ میں نیشنل جیمخانہ نے پہلے بیٹنگ کرتے ہوئے 143 رنز 9 وکٹوں کے نقصان پر مقررہ 20 اوورز میں بنائے سمیع صیم نے شاندار بیٹنگ کرتے ہوئے 4 چوکوں 3چھکوں کی مدد سے 56 رنز عبداللہ جاوید 26 رنز نے عمدہ بیٹنگ کی ریاض حیدر نے 22 رنز دیکر 3 وکٹیں اسد اللہ اسلم 20-2 وکٹیں یاسر شہزاد نے 18-2 وکٹیں حاصل کیں جواب میں راوی جیمخانہ مقررہ اوورز میں 130رنز 9 وکٹوں کے نقصان پر بنا سکی سہیل احمد 34،اسداللہ اسلم 23رنز نے عمدہ بیٹنگ کی رائٹ آرم لیگ اسپنر دارین فراز نے تباہ کن بولنگ کرتے ہوئے 23 رنز دیکر 4 وکٹیں حاصل کیں حماد عالم نے 6 رنز کے عوض 2 وکٹیں حاصل کیں۔
