بخارسٹ(انٹرنیشنل ڈیسک) رومانیا کے صدر کلاؤس یوہانس نے عہدے سے استعفادے دیا۔خبررساں اداروں کے مطابق صدر کلاؤس یوہانس نے اپنے بیان میں کہا کہ رومانیا اور اس کے عوام کو بحران سے بچانے کے لیے مستعفی ہو رہا ہوں۔ ان کا مزید کہنا تھا کہ وہ باضابطہ طور پر آج صدارت کا عہدہ چھوڑ دیں گے۔ واضح رہے کہ اس سے قبل عدالت نے گزشتہ سال کے صدارتی انتخابات کے نتائج کالعدم قرار دیے تھے۔ عدالتی فیصلے کے بعد سے اپوزیشن کی جانب سے صدر کلاؤس یوہانس پر مستعفی ہونے کے لیے شدید دباؤ تھا۔
