اسلام آباد: وزیراعظم شہباز شریف کاکہنا ہے کہ 1967ء سے پہلے کی سرحدوں پر مشتمل آزاد فلسطینی ریاست کا قیام ناگزیر ہے، غزہ میں جاری نسل کشی کے دوران 50 ہزار فلسطینی شہید ہو چکے ہیں، فلسطین کا دارالحکومت القدس الشریف ہی ہوگا۔
تقریب سے خطاب کرتے ہوئے وزیر اعظم نے کہاکہ فلسطین کا مسئلہ اقوام متحدہ کی قراردادوں کے مطابق حل ہونا چاہیے، پائیدار امن صرف دو ریاستی حل سے ہی ممکن ہے۔
شہبازشریف نے کہاکہ اڑان پاکستان منصوبہ” کو قومی اقتصادی تبدیلی کا منصوبہ قرار دیا جو پاکستان کی معاشی ترقی اور معاشی نمو میں اضافے کا باعث بنے گا، سات دہائیوں کے دوران پاکستانی قوم کو بے شمار چیلنجز کا سامنا رہا ہے۔
انہوں نے مزید کہاکہ پاکستان نے ہر بار دنیا میں امن وسلامتی کے لیے کردار ادا کیا ہے، پاکستان فلسطینی عوام کی آزادی کے لیے ساتھ کھڑی ہے، پاکستان نے فلسطین کے حوالے سے ہر عالمی فارم پر آواز بلند کی ہے۔
