دبئی (انٹرنیشنل ڈیسک) دبئی روڈز اینڈ ٹرانسپورٹ اتھارٹی نے ورلڈ گورنمنٹ سمٹ کے موقع پر شمسی توانائی سے چلنے والی نئی ریل بس کا آغاز کردیا۔ بس کی آپریشنل رفتار 100 کلومیٹر فی گھنٹہ ہے جبکہ اس میں 40 مسافروں کی گنجائش ہے۔ ریل بس سروس ایک جدید اور ماحول دوست سواری ہے، جو نقل و حمل کے دستیاب ذرائع میں سے ماحول دوست ، موثر اور کم لاگت متبادل کے طور پر پیش کی گئی ہے۔کیپسول سے مشابہ ریل کی لمبائی 11.5 میٹر اور چوڑائی 2.65 میٹر ہے۔
