لاہورہائیکورٹ میں مزید4ججزتعیناتی کیلیے نامزدگیاں 13 فروری تک طلب

اسلام آباد ( نمائندہ جسارت) لاہور ہائیکورٹ میں مزید4ججزتعیناتی کے لیے جوڈیشل کمیشن نے نامزدگیاں 13 فروری تک طلب کرلیں۔جوڈیشل کمیشن آف پاکستان کی جانب سے جاری کردہ مراسلے میں کہا گیا ہے کہ 4ایڈیشنل ججزپنجاب کی ضلعی عدلیہ سے لیے جائیں گے۔جاری کردہ مراسلے کے مطابق جوڈیشل کمیشن نے تعیناتیوں کے لیے نامزدگیاں 13 فروری تک طلب کرلی ہیںجوڈیشل کمیشن کی جانب سے ارکان کو آگاہ کر دیاگیا ہے۔6 جاری کردہ مراسلے میں کہا گیا ہے کہ فروری کے اجلاس میں مزید4ججز تعینات کرنیکا فیصلہ ہوا ہے،چیف جسٹس لاہورہائیکورٹ کی مشاورت سے چاروں جج ضلعی عدالتوں سے لانے کا فیصلہ ہواہے۔