نئی دہلی کی وزیراعلیٰ آتشی مارلینا نے عہدے سے استعفا دیدیا

نئی دہلی (صباح نیوز)نئی دہلی کی وزیر اعلیٰ آتشی نے انتخابی نتائج کے اعلان کے ایک روز بعد اپنے عہدے سے استعفا دے دیا۔واضح رہے کہ نئی دہلی الیکشن میں بھارت کی حکمراں جماعت بی جے پی نے 70 میں سے 48سیٹوں پر کامیابی حاصل کی جب کہ عام آدمی پارٹی صرف 22سیٹیں جیتنے میں کامیاب رہی۔ وزیراعلیٰ آتشی مارلینا نے گورنر وی کے سکسینہ سے ملاقات کی اور انہیں اپنا استعفا پیش کردیا۔گورنر وی کے سکسینہ نے بھارتی دارالحکومت نئی دہلی کی ساتویں قانون ساز اسمبلی کو بھی تحلیل کردیا ہے۔ عام آدمی پارٹی کنو ینر اور ان کے پیشرو اروند کیجریوال کے بدعنوانی کے الزامات سامنے آنے پر مستعفی ہونے کے بعد آتشی نے گزشتہ برس ستمبر میں وزیراعلیٰ کا عہدہ سنبھالا تھا۔بی جے پی نے 70میں سے 48اسمبلی نشستیں حاصل کر کے 27سال بعد دہلی میں واپسی کی ہے، وہیں عام آدمی پارٹی نے 22سیٹوںپر کامیابی حاصل کی جبکہ راہول گاندھی کی جماعت کانگریس 5فروری کے انتخابات میں کوئی بھی سیٹ جیتنے میں ناکام رہی۔