کشمیری ڈرپوک نہیں نڈر قوم ہے‘ کبھی نہیں جھکے گی‘ مشال ملک

اسلام آباد(مانیٹر نگ ڈ یسک ) حریت رہنما یاسین ملک کی اہلیہ مشال ملک نے کہا ہے کہ کشمیری ڈرپوک نہیں نڈر قوم ہے، کشمیری کبھی نہیں جھکیں گے۔یوم یکجہتی کشمیر پر اپنے پیغام میںمشال ملک کا کہنا تھا کہ کشمیریوں کا سب سے بڑا ہتھیار شہدا کا خون ہے، شہدا کی قربانی ہمیں توانائی دیتی ہے کہ ہم حق اور سچ کے لیے کھڑے رہیں۔انہوں نے کہا کہ حریت رہنماؤں کو بھارت
قتل کر رہا ہے، نوجوانوں ،بزرگوں کو جیلوں ڈالا جا رہا ہے۔مشال ملک کا کہنا تھا کہ بھارت کا دہشت گردی کا نیٹ ورک پوری دنیا میں پھیل چکا ہے، حال ہی میں میری والدہ کو بھارت نے اپنے دہشت گرد نیٹ ورک کے ذریعے سلو پوائزنگ سے شہید کرایا۔