واشنگٹن:امریکا میں ایک حالیہ تحقیق میں انکشاف کیا گیا ہے کہ منشیات کی زیادتی اور صحت کی خرابیوں کی وجہ سے نوجوان بالغ افراد توقع سے زیادہ شرح پر جلد موت کا شکار ہو رہے ہیں۔
تحقیق کاروں نے جاما نیٹ ورک اوپن میں رپورٹ کیا کہ 25 سے 44 سال کے بالغ افراد میں 2011 کے بعد سے 2023 تک جلد اموات کی شرح 70 فیصد زیادہ ہو گئی ہے۔
یونیورسٹی آف مینیسوٹا کی سوشیالوجی کی ایسوسی ایٹ پروفیسر الزبتھ رگلی نے بتایا کہ کورونا سے پہلے کی سطح کے مقابلے میں بھی ان اموات کی شرح توقع سے زیادہ رہی۔ انہوں نے کہا کہ 2019 میں 25 سے 44 سال کے بالغوں میں یہ اموات تقریباً 35 فیصد زیادہ تھیں۔
وبا کے دوران 2019 کے مقابلے میں نوجوان بالغوں میں اموات تقریباً 3گنا بڑھ گئیں حالانکہ 2023 تک اموات کی شرح میں کمی آئی لیکن نوجوان بالغوں میں جلد اموات کی شرح توقع سے 70 فیصد زیادہ ریکارڈ کی گئی۔
