نئی دہلی (انٹرنیشنل ڈیسک) بھارتی ریاست گجرات کے ڈانگ ضلع میں پیش آنے والے حادثے میں 7 افراد اپنی زندگیوں سے محروم اور کئی زخمی ہوگئے۔ حادثہ صبح تقریباً 4 بجے ساپوترا گھاٹ روڈ پر پیش آیا، جب ایک پرائیویٹ بس 200 فٹ گہری کھائی میں گرکر 2حصوںمیں تقسیم ہوگئی۔ حادثے کا شکار ہونے والی بس مدھیہ پردیش کے گنا سے ترمبکیشور کا دورہ کرنے کے بعد واپس آرہی تھی جس میں 48 سیاح موجود تھے۔ حادثے کی اطلاع ملتے ہی مقامی پولیس اور ریسکیو ٹیم فوری طور پر موقع پر پہنچ گئی اور زخمیوں کو نکال کر اسپتال منتقل کیا۔ ابتدائی تحقیقات کے مطابق ڈرائیور بس پر سے کنٹرول کھو بیٹھاتھا۔
