ٹوکیو (انٹرنیشنل ڈیسک) جاپانی دارالحکومت ٹوکیو کے شمال میں سڑک بیٹھنے سے ٹرک ڈرائیور پھنس گیا ۔ خبررساں اداروں کے مطابق گڑھے میں پھنسے ٹرک ڈرائیور کو بچانے کے لیے سیوریج کے گندے پانی کو قریبی دریا میں منتقل کیا گیا۔ واقعہ کو یاشیو سٹی کے ایک چوراہے پر پیش آیا ،جہاں سڑک پر گڑھا پڑنے سے ٹرک گڑھے میں گر گیا تھا اور 74 سالہ ڈرائیور 24گھنٹے تک وہاں پھنسا رہا۔ ریسکیو ٹیم نے گڑھے سے کیچڑ ہٹانے کے لیے چھوٹی مشینری استعمال کی ،جب کہ اس دوران گڑھے کے اندر دیکھنے کے لیے ڈرون سے مد د لی گئی۔
