اسلام آباد:اپوزیشن اور صحافیوں کی مخالفت کے باوجود پیکا ترمیمی ایکٹ 2025 نافذ العمل ہو گیا، جس کا گزٹ نوٹیفکیشن بھی جاری کردیا گیا۔میڈیا رپورٹس کےمطابق وزارت قانون کی جانب سے نوٹیفکیشن جاری ہونے کے بعد پیکا ڈیجیٹل نیشن بل قانون کا باضابطہ اطلاق ہو گیا۔
خیال رہے کہ گزشتہ روز صدر مملکت آصف زرداری نے پیکا ترمیمی بل 2025 اور ڈیجیٹل نیشن بل 2025 پر دستخط کردیئے تھے جس کے بعد دونوں بل قانون بن گئے ہیں، باقاعدہ نوٹی فکیشن بھی جاری کردیا گیا ہے۔ واضح رہے کہ حکومت کی جانب سے ترمیمی بل کو پہلے قومی اسمبلی سے منظور کرایا گیا تھا اور اس کے بعد ایوان بالا نے بھی ترمیمی بل کی منظوری دے دی تھی جبکہ جمعیت علمائے اسلام ( جے یو آئی ) ف کے سربراہ مولانا فضل الرحمن کو تحفظات تھے، جس پر آصف زرداری نے تحفظات دور کرنے کی یقین دہانی کرائی تھی۔
