برطانوی شہری بین میلہم نے 1 دن میں 42 عجائب گھروں کا دورہ کر کے نیا عالمی ریکارڈ قائم کر لیا ہے۔
42 سالہ بین میلہم نے اپنے بچوں کے ہمراہ 24 گھنٹوں کے اندر 42 عجائب گھروں کا دورہ کر کے گنیز ورلڈ ریکارڈ بک میں اپنا نام درج کرایا ہے۔
بین میلہم نے 25 اکتوبر 2024 کو اسکوٹر کا استعمال کرتے ہوئے بیکن آرٹ گیلری، برٹش میوزیم اور نیچرل ہسٹری میوزیم سمیت 42 میوزیمز کا دورہ کیا۔
اس حوالے سے بین میلہم نے کہا کہ ہمارے ماضی اور شناخت کو سمجھنے کے لیے میوزیمز کا دورہ ضروری ہے، ایک سال میں زیادہ سے زیادہ میوزیمز کا دورہ کرنے کا ریکارڈ بنانے کی بھی کوشش کر رہا ہوں۔
اس سے قبل یہ اعزاز بھارتی شہری سو جوئے کمار مترا کے پاس تھا، جنہوں نے پہلے ایک دن میں 23 عجائب گھروں کا دورہ کر کے یہ ریکارڈ قائم کیا تھا۔
