کراچی ( اسٹاف رپورٹر ) شہر کے مختلف علاقوں میں حادثات وپر تشدد واقعات میں 7افراد جاںبحق ہوگئے دیگر واقعات میں پولیس اہلکار سمیت 11افراد زخمی ہوئے ۔ تفصیلات کے مطابق پیر آباد تھانے کی حدود منگھو پیر روڈ MPR کالونی بادشاہ ماربل کمپنی میں چاقو کے وار سے20 سالہ عمران ولد ریحان کو قتل کر دیا گیا ۔سپر ہائی وے ایم نائن موٹر وے پر خوفناک ٹریفک حادثہ پیش آیا، جہاں حیدرآباد سے کراچی آتے ہوئے تین ٹریلر آپس میں ٹکرا گئے۔حادثے میں ایک شخص جاں بحق اور تین شدید زخمی ہوئے۔ کورنگی کراسنگ ندی میں ڈوب کر 50سالہ شخص جاں بحق ہوگیا۔ یوپی موڑ جیو موبائل مارکیٹ کے قریب سے 40سالہ شخص کی لاش ملی ۔ ڈاکس کے علاقے آئی سی آئی پْل آئی سی آئی کمپنی کے قریب ٹریفک حادثے میں 40 سالہ شیر خان نامی شخص جاں بحق ہوگیا لیاقت آباد سپر مارکیٹ کے قریب تیز رفتار ٹرک کی ٹکر سے موٹر سائیکل سوار 32سالہ آصف ولد یاسین جاںبحق ہوگیا ۔گلشن اقبال کے علاقے الا دین پارک کے قریب سے 55 سالہ اقبال نامی شخص کی لاش ملی ۔
