امریکی وزیر خارجہ مارکو روبیو نے اردن کے بادشاہ عبداللہ سے ٹیلیفونک رابطہ کیا جس میں دونوں رہنماؤں نے غزہ کی جنگ بندی، خطے کی سیکیورٹی کی صورتحال اور استحکام پر تبادلہ خیال کیا۔
رپورٹس کے مطابق دونوں رہنماؤں نے شام کی موجودہ صورت حال پر بھی گفتگو کی، امریکی وزیر خارجہ نے کہا کہ کہ شام کو دہشت گردی کا مرکز بننے کی اجازت نہیں ملنی چاہیے اور نہ ہی اسے اپنے پڑوسی ممالک کے لیے خطرہ بننا چاہیے۔
مارکو روبیو نے اردن کے ساتھ 75 برس سے جاری دو طرفہ تعلقات کو مزید مستحکم کرنے کے عزم کا اعادہ کیا۔
دوسری جانب امریکی وزیر خارجہ نے کینیا اور کانگو کے صدور سے بھی بات کی، جبکہ برطانیہ، جرمنی اور فرانس کے ہم منصبوں سے بھی مشاورت کی۔ اس کے علاوہ، روبیو نے مراکش اور ڈومینیکن ری پبلک کے وزرائے خارجہ سے بھی اہم عالمی امور پر بات چیت کی۔
