رات کو جلد سونا صحت مند زندگی گزارنے کے لیے ایک ضروری عادت ہے، جو انسان کی مجموعی صحت، قوت مدافعت اور ذہنی سکون کے لیے بے حد فائدے مند ثابت ہوتی ہے۔
ماہرین کا کہنا ہے کہ بالغ افراد کو روزانہ 6 سے 7 گھنٹے کی نیند لینی چاہیے جبکہ بچوں کے لیے نیند کا دورانیہ بشمول قیلولہ بڑھانا ضروری ہے۔
جلدی سونے سے جسم میں ہارمونز کی متوازن مقدار بڑھتی ہے، جو کہ صحت مند رطوبت کو بڑھانے میں معاون ثابت ہوتی ہے، جلد سونے سے جسم ذہنی تناؤ کو کم کر کے علمی سوچ، توجہ اور یادداشت کو بہتر بناتا ہے۔
رات میں جلدی سونے سے جسم کو مکمل آرام ملتا ہے اور فرد تازہ دم ہو کر جاگتا ہے۔ اس کے جسم اور مدافعتی نظام پر متعدد مثبت اثرات مرتب ہوتے ہیں جبکہ جلد سونے والوں کے دانتوں کی صحت بھی بہتر رہتی ہے۔
مناسب اور بھرپور نیند دل کی صحت پر بھی اچھا اثر ڈالتی ہے اور اسے مختلف منفی طبی مسائل سے بچاتی ہے، جلد سونے کا عمل جسم کو سوزش سے لڑنے میں مدد دیتا ہے اور جلد کی صحت اور رنگت کو بہتر بناتا ہے۔
