جدہ (سید مسرت خلیل) رومانیہ اور ہالینڈ کے تعاون سے بنایا گیا پاک بحریہ کے نئے آف شورپیٹرول ویسل پی این ایس یمامہ جو پاکستان نیوی کےچارآف شورجہازوں میں سے آخری جہاز ہے ترکی سے اپنے سفرکا آغاز کرتے ہوئے جدہ انٹرنیشنل اسلامی بندرگاہ پہنچا۔ جہاں قونصل جنرل پاکستان خالد مجید اورپی این ایس یمامہ کے کمانڈنگ آفسرکپٹین عبدالرحمان (ستارہ امتیاز(ایم) پی این) نے جہازکے عرشہ پرایک پُرتکلف عشائیہ کا اہتمام کیا۔ جس میں میجرجنرل احمد علی الدوبیس، کمانڈر ویسٹرن ریجن، ریئرایڈمریل منصور بن سعود ال جیواید، کمانڈررائل سعودی نیوی فورس کے دیگرآعلی افسران، پاکستانی سفارتخانہ کے ملٹری اتاشی برگیڈیئرمحسن جاوید، سفارتکاروں، اوآئی سی کے اسسٹنٹ سیکریٹری جنرل برائے سائنس اینڈ ٹیکنالوجی آفتاب احمد کھوکھر، پاکستان کمیونٹی کی نمائندہ شخصیات اورسینئر صحافیوں نے شرکت کی۔ سعودی اور پاکستان کے قومی ترانے سے تقریب کا آغاز ہوا۔ کپٹین عبدالرحمن نے مہمانوں کا استقبال کرتے ہوئے پاکستان اور سعودی عرب کے دیرینہ تعلقات کا ذکرکیا۔ انھوں نے کہا کہ ماضی میں پاکستان نیوی اور سعودی رائل نیوی مشترکہ مشقیں کرتی رہی ہیں اورمستقبل میں بھی یہ سلسلہ جاری رہے گا۔ انہوں نے کہاکہ پی این ایس یمامہ کے دورہ کا مقصد سعودی عرب اور پاکستان کے برادرانہ تعلقات کو مضبوط بنانا ہے۔انہوں نے وسیع پیمانے پر دوطرفہ تعلقات اور دفاع کو فروغ دینے کے لیے پاکستان کے عزم کا اعادہ کیا۔ انہوں نے کہا کہ سعودی عرب اورپاکستان نیوی کے درمیان تعاون، بھائی چارہ اور باہمی احترم کا رشتہ ہے۔ کمانڈنگ آفسیرعبدالرحمان نے پاک بحریہکے نئے کی مختلف صلاحیتوں اور پہلوؤں کے بارے مہمانوں کا آگاہ کیا۔ انھوں نے یمامہ جہاز پرآمد سعودی رائل فورس کے اعلی افسران اور جہاز پرموجود ہرشخص سے ملاقات کی اور پاکستان کی تعریف کرتے ہوئے نیک تمناؤں کا اظہار کیا۔ تقریب کے آخرمیں پاک سعودی دوستی کی خوشی کا سب نے مل کر کیک کاٹا گیا اختتام جہاز کے عملہ کے تیار کردہ لذیذ عشائیہ پر ہوا۔
