صدر مملکت نے آصف بشیرکو ستارہ امتیاز عطا کردیا

اسلام آباد(اے پی پی)صدر مملکت آصف علی زرداری نے ایوان صدر میں ایک خصوصی تقریب کے دوران
آصف بشیر کو خدمات عامہ کے شعبہ میں ان کی گرانقدر خدمات کے اعتراف میں ستارہ امتیاز عطاکیا۔ آصف بشیر نے حج مشن 2024ء میں بطور حج معاون خدمات انجام دیتے ہوئے دوران حج منیٰ میں متعدد حجاج کرام کی جان بچائی تھی،شدید گرمی کے باعث بے ہوش ہونے والے 26 حاجیوں کو اسپتال پہنچایا تھا۔