کراچی(کامرس رپورٹر)دو روزہ مندی کے اثرات زائل ہوگئے ،کاروباری ہفتے کے چوتھے روزپاکستان اسٹاک مارکیٹ میں تیزی کا رجحان رہااور100اندیکس500پوائنٹس بڑھ گیا جس کی وجہ سے مارکیٹ 1لاکھ14ہزار پوائنٹس کی نفسیاتی حد پر بحال ہو گیا۔مارکیٹ کے سرمائے میں65 ارب روپے سے زاید کا اضافہ ریکارڈ کیا گیا جس سے سرمائے کا مجموعی حجم14067ارب روپے سے تجاوز کر گیا اور48.19فیصد حصص کی قیمتیں بھی بڑھ گئیں۔پاکستان اسٹاک ایکسچینج میں جمعرات کوخریداری کا رجحان غالب رہا۔آٹوموبائل اسمبلرز، کمرشل بینکوں، سیمنٹ، فرٹیلائزر، تیل و گیس کی تلاش کرنے والی کمپنیوں، او ایم سیز اور بجلی کی پیداوار سمیت اہم شعبوں میں خریداری دیکھی گئی۔ او جی ڈی سی، حبکو، پی ایس او، ایس این جی پی ایل، ایس ایس جی سی، پی پی ایل، پی او ایل، ایم سی بی، این بی پی اور یو بی ایل کے حصص میں زبردست تیزی کا رجحان دیکھا گیا۔جمعرات کو کے ایس ای 100انڈیکس میں594پوائنٹس کااضافہ ہوا جس سے انڈیکس1لاکھ13ہزار443پوائنٹس سے بڑھ کر1لاکھ14ہزار37پوائنٹس پر جا پہنچا اسی طرح159پوائنٹس اضافے سے کے ایس ای30 انڈیکس35ہزار794پوائنٹس ہو گیا جبکہ کے ایس ای آل شیئرز انڈیکس70ہزار346پوائنٹس سے بڑھ کر70ہزار675پوائنٹس پر بند ہوا۔مارکیٹ کے سرمائے میں65ارب 43کروڑ6لاکھ 17 ہزار753روپے کا اضافہ ریکارڈ کیا گیا جس کے نتیجے میں سرمائے کا مجموعی حجم 14001ارب97 کروڑ82لاکھ67ہزار436روپے سے بڑھ کر 14067ارب40 کروڑ88لاکھ85ہزار 189روپے ہو گیا۔پاکستان اسٹاک مارکیٹ میں جمعرات کو30ارب روپے مالیت کے67کروڑ 55لاکھ40ہزارحصص کے سودے ہوئے جبکہ بدھ کو35ارب روپے مالیت کے74کروڑ 36 لاکھ32ہزارحصص کے سودے ہوئے تھے۔گذشتہ روز مجموعی طور پر442کمپنیوں کا کاروبار ہوا جس میں سے 213کمپنیوں کے حصص کی قیمتوں میں اضافہ،181میں کمی اور48کمپنیوں کے حصص کی قیمتوں میں استحکام رہا۔کاروبار کے لحاظ سیسنر جیکو پاک ،ورلڈ کال ٹیلی کام،فوجی سیمنٹ ،لوٹے کیمیکل اور سٹی فارما لمیتڈ سر فہرست رہے۔قیمتوں میں اتار چڑھاو کے اعتبار سے اسماعیئل انڈسٹریز لمیتڈ کا بھاو92روپے اضافے سے1949.50روپے ہو گئی۔
