حکمران کینال بنانے سے بازنہ آئے تو پنجاب کے راستے بند کردیں گے ،ڈاکٹرقادرمگسی

شہدادپور (نمائندہ جسارت) حکمرانوں کو سندھ دشمن فیصلے کرنے نہیں دے گے کینال بنانے سے باز نہ آئے تو پنجاب کے راستے بند کر دے گے۔سندو دریا پر کینال بنانے میں وفاق کے ساتھ آصف زرداری بھی ملوث ہے۔ ان خیالات کا اظہار سندھ ترقی پسند پارٹی کے چیئرمین ڈاکٹر قادر مگسی نے شہدادپور میں سندو دریا پر پنجاب کی ڈکیتی کے خلاف مہم سندھ ہماری ماں سندھو دریا ہمارا سانس ہے کے عنوان سے جاری عوامی شعور مہم کے احتجاجی جلسے سے خطاب کرتے ہوئے کہی۔انہوں نے کہا کہ سندھ کے وجود کو مٹانے اور یہاں کے 6کروڑ افراد کو مفلس کرنے کے لیے سندو دریا سے غیر قانونی کینال نکال کر پنجاب کی طرف رخ کر کے سندھ کے پانی پر قبضہ کیا جا رہا ہے۔سندھ کے پانی پر شہباز شریف کی حکومت کے سہولت کار آصف زرداری اور اقتدار پرست جاگیر دار سردار کر رہے ہیں۔انہوں نے مزید کہا کہ عوام کسی صورت اس منصوبے کو قبول نہیں کریں گے۔ہم اپنے سانس کے آخری دم تک مزاحمت کریں گے۔حکمرانوں کو یہ منصوبہ واپس لینے پر مجبور کر دے گے۔احتجاجی جلسے سے پارٹی رہنماؤں گلزار احمد سومرو، حیدر شاہانی، نثار علی کیریو، ہوت علی، ڈاکٹر سومار منگریو،امتیاز سموں اورخدا بخش درس ودیگر نے بھی خطاب کیا۔