اسلام آباد(اسپورٹس ڈیسک)پاکستان اولمپک ایسوسی ایشن کے سیکرٹری جنرل محمد خالد محمود نے پاکستان اسپورٹس بورڈ (پی ایس بی)کی جانب سے کوالیفائیڈ کوچز کی تنخواہوں میں اضافیبارے نی پالیسی کو سراہتے ہوے کہا ہے کہ ایسے فیصلے ملک میں کھیلوں کو فروغ دینے میں مددگار ثابت ہونگے۔ خالد محمود جو حال ہی میں ہونے والے انتخابات میں پاکستان اولمپک ایسوسی ایشن پی او اے کے سیکرٹری جنرل منتخب ہوئے تھے کا کہا تھا کہ پی ایس بی کے فیصلے سے بین الاقوامی معیار کے حامل کوچز کو ان کا حق ملنے کیساتھ ساتھ نوجوان کوچز کو بیرون ملک مطلوبہ تعلیم حاصل کرکے کوچنگ کے بارے میں جدید ترین معلومات حاصل کرنے میں مدد ملے گی۔ خالد محمود نے مزید کہا کہ کوچز اور کھلاڑیوں کے دوستانہ فیصلے نوجوانوں کو بہترین طریقے سے تیار کرنے میں مدد کریں گے جبکہ بین الاقوامی تقاضوں کے مطابق رفتار کو برقرار رکھنے کے لیے ہمیں تمام محاذوں پر اپنے معیار کو بلند کرنے کی ضرورت ہے۔
