برلن (انٹرنیشنل ڈیسک) جرمن شہر نیورمبرگ کے ڈیورر ہائی اسکول نے مسلسل اور بغیر کسی عذر کے دیر سے آنے والے طلبہ پر 5یورو جرمانہ عائد کردیا۔ اسٹوڈنٹ کونسل کا کہنا ہے کہ جرمانہ عائد کیے جانے کے بعد سے کلاسوں میں تاخیر سے آنے والے طلبہ کی تعداد میں نمایاں کمی آئی ہے۔ جرمانہ صرف 9سے 11 سال کی عمر کے بچوں پر لاگو ہوتا ہے۔بیان میں کہاگیا کہ نیا اقدام سزا کے طور پر نافذ نہیں کیا گیا ۔ طلبہ کی بڑی تعداد ہے جو بلا وجہ دیر سے اسکول آتی ہے۔ انہیں اسکول سے نکالنے کی دھمکی دی جاتی ہے تو انہیں کوئی پروا نہیں ہوتی،تاہم 5 یورو جرمانہ ادا کرنا انہیں پریشان کرتا ہے۔
