واشنگٹن:روس سے تعلق رکھنے والے عالمی شہرت یافتہ مکس مارشل آرٹس (یو ایف سی) چیمپئن خبیب نُرماگومیڈوف کے ساتھ امریکی ائیرلائن نے قومیت پرستی کی بناپر بدتمیزی کی، جس کی بنیاد پر یو ایف سی چیمپئن فائٹر احتجاجا طیارے سے نیچے اترگئے۔
غیر ملکی میڈیا رپورٹس کےمطابق چیمپئن خبیب نُرماگومیڈوف جب طیارے میں سوار تھے تو امریکی ائیرلائن کی ائیرہوسٹس نے خاموش بیٹھے عالمی شہرت یافتہ یو ایف سی چیمپئن سے آکر بدتمیزی سے دوسری سیٹ پر بیٹھنے کا حکم دیا،جس پر خبیب فائٹر نے وجہ جاننا چاہی تو ائیرہوسٹس نے بدتمیزی کرتے ہوئے اپنی بات دہرائی ، جب بات زیادہ بڑھی تو سیکیورٹی فورسز کے اہلکاروں کو طلب کیا گیا، جس کے بعد خبیب احتجاجا طیارے سے اترگئے۔
امریکی ایئرلائن کی یو ایف سی چیمپئن سے طیارے میں کی گئی بدتمیزی کی وڈیو سوشل میڈیا پر وائرل ہوگئی، جس کے بعد صارفین نے امریکی حکام پر خوب تنقید کرتے ہوئے کہاکہ امریکا بات تو انسانیت کی کرتا ہےلیکن نسل اور قوم پرستی کوٹ کوٹ کر بھری ہوئی ہے۔
یو ایف سی چیمپئن نے واقعہ ہونے کے بعد سوشل میڈیا کی معروف ویب سائٹ پر ٹوئٹ کرتے ہوئےکہا ہےکہ میں انگریزی بہت اچھے طریقے سے بولنا جانتا ہوں لیکن امریکی ائیرلائن کا رویہ شروع وقت سے ہی بہت بدتمیزوں والا تھا، جس کو میں مسلسل نظر انداز کررہا تھا، لیکن جب ائیرہوسٹس نے بغیر کسی وجہ کے مجھے دوسری نشست پر بیٹھنے کا حکم دیا تو میں نے انکارکردیا، جس پر بات کافی بڑھ گئی تو میں احتجاجا طیارے سے اترکر دوسری فلائٹ سے اپنی منزل کی جانب روانہ ہوا۔
