سوئی سدرن گیس کمپنی (ایس ایس جی سی) نے شہریوں کی مشکلات میں اضافہ کردیا ہے کیونکہ مختلف علاقوں میں کئی روز سے گیس کی فراہمی معطل ہے۔
شہری ہر ماہ بل ادا کر رہے ہیں مگر گیس کی عدم فراہمی سے پریشان ہیں۔ سوئی سدرن گیس کمپنی کے ترجمان نے اس بابت کوئی جواب نہیں دیا۔
شہریوں کا کہنا ہے کہ نارتھ کراچی، بلدیہ، سائٹ، میٹروول، پی آئی بی کالونی، جمشید روڈ، لانڈھی، ملیر، شاہ فیصل اور کیماڑی سمیت متعدد علاقوں میں گیس کی فراہمی مکمل طور پر بند ہے۔
سوئی سدرن گیس کمپنی کے ذرائع کے مطابق کمپنی 300 ایم ایم سی ایف ڈی گیس کی کمی کا سامنا کر رہی ہے، جس کے باعث گیس کی فراہمی متاثر ہوئی ہے۔
