( اسٹاف رپورٹر ) ایم 9موٹروے کاٹھور کے پاس کار سوار کی کوسٹ گارڈ کے اہلکار کے جاںبحق ہونے پر مقدمہ درج کر لیا گیا ۔ تفصیلات کے مطابق ایم 9موٹر وے کاٹھور جاتے ہوئے تیز رفتار کار سوار سپاہی کو ٹکر مار کر فرار ہوگیا تھا ،کوسٹ گارڈ کا زخمی اہلکار عادل جناح اسپتال میں دوران علاج جاں بحق ہوگیا ،واقعہ کا مقدمہ کوسٹ گارڈ کے نائب صوبیدار کی مدعیت میں گڈاپ تھانے میں درج کر لیا گیا ، مقدمے کے متن پر ہے کہ اسمگلنگ کی اطلاع پر ہم کاٹھور کے قریب اسنیپ چیکنگ کررہے تھے،موٹر وے پر کراچی سے حیدرآباد جاتے ہوئے ایک کار کو انصاری پل کے پاس روکا،کار سوار رانگ لیکر حیدرآباد سے کراچی آنے والے روڈ پر آگیا،کار سوار نے فرار ہونے کی کوشش کی تو کوسٹ گارڈ اہلکاروں نے روکا،کار سوار سپاہی عادل کو ٹکر مارکر فرار ہوگیا،کار سوار کچھ دور جاکر کار کو چھوڑ کر فرار ہوگیا،شدید زخمی سپاہی کو پہلے بقائی اور پھر جناح اسپتال منتقل کیا،جناح اسپتال میں سپاہی دوران علاج جاں بحق ہوگیا،پکڑی گئی کار سے 41بورے چھالیہ اور 100پیکٹ گٹکے کے ملے ہیں۔
