یہ تاثر دیا جا رہا ہے کہ ہم این آر او مانگ رہے ہیں، لطیف کھوسہ

اسلام آباد(آن لائن)رہنما پی ٹی آئی سردار لطیف کھوسہ نے کہا ہے کہ یہ تاثر دیا جا رہا ہے کہ ہم این آر او مانگ رہے ہیں، جہاں تک بات ہے ہا¶س اریسٹ یا پھر بنی گالہ میں شفٹ ہونے کی تو وہ بانی پی ٹی آئی کو قبول نہیں۔ اسلام آباد ہائی کورٹ میں میڈیا سے گفتگو میں
لطیف کھوسہ نے کہا کہ این آر او مانگنا ہوتا تو ہم اتنی کرب اور مشقت سے نہ گزرتے، بانی پی ٹی آئی نہ عوام کے حقوق پر ڈاکہ ڈالنے دیں گے اور نہ ڈیل کریں گے۔ لطیف کھوسہ نے کہا کہ بانی پی ٹی آئی سے مشاورت کے بغیر ہم تحریری مطالبات کیسے دے سکتے ہیں، حکومت سے جو بات چیت ہوتی ہے وہ بانی پی ٹی آئی کو رپورٹ کرنا پڑتی ہے،انہوں نے کہا کہ ہماری ڈیمانڈ بڑی واضح ہیں پھر ہم سے تحریر میں کیا مانگا جا رہا ہے؟ ہماری بانی پی ٹی آئی سے ملاقات کرائی جائے۔لطیف کھوسہ نے کہا کہ مہنگائی بڑھ گئی ہے، لوگ مایوس ہو کر باہر جا رہے ہیں، اتنے گھمبیر مسائل ہیں کہ ان سے توجہ ہٹا کر حکومت اپنے تسلسل کے لیے لگی ہوئی ہے۔انہوں نے کہا کہ 29 نومبر کے سانحہ کی تحقیقات کر کے حقیقت ملک اور قوم کو بتائی جائے، گونگی اور بہری حکومت سے اپنے حقوق مانگنے والے نہتے شہریوں پر گولیاں ماری گئیں، ملٹری کورٹ کی سزاﺅں پر پوری دنیا میں تنقید ہو رہی ہے۔