لاہور (اسپورٹس ڈیسک)پاکستان سپر لیگ(پی ایس ایل )10کے لیے غیر ملکی کھلاڑیوں کی کیٹیگریز سامنے آگئیں۔آسٹریلیا کے ڈیوڈ وارنر، میتھیو شارٹ، شان ایبٹ، نیوزی لینڈ کے مارک چیپمین اور بنگلادیش کے مستفیض الرحمن پی ایس ایل ڈرافٹ کے لیے پلاٹینم کیٹیگری میں شامل ہیں۔مجیب الرحمن،شکیب الحسن، کرس لین،ڈیرل مچل، ایڈم ملن، ٹم ساتھی، کوشال مینڈس اور ڈیوڈ ویلے بھی پلاٹینم کیٹیگری میں شامل ہیں۔اس کے علاوہ عثمان خواجہ، زیک کرالی، جیسن رائے، مائیکل بریسویل، ایلیکس ہیلز سمیت 40غیر ملکی کھلاڑی پلاٹینم کیٹیگری میں شامل ہیں۔6 غیرملکی کھلاڑی صرف پلاٹینم کیٹیگری میں ہی منتخب ہونے کیلیے دستیاب ہیں جبکہ دیگر کھلاڑی پلاٹینم میں منتخب نہ ہونے کے بعد ڈائمنڈ اور گولڈ میں بھی دستیاب ہیں۔آسٹریلیا کے وکٹ کیپر بیٹر ایلیکس کیری ڈائمنڈ کیٹیگری کا حصہ ہیں، ڈائمنڈ کیٹیگری میں 87 غیر ملکی کھلاڑی پی ایس ایل ڈرافٹ کے لیے دستیاب ہیں۔گولڈ کیٹیگری میں 165 غیر ملکی کھلاڑی پی ایس ایل 10 ڈرافٹ کے لیے رجسٹر ہوئے ہیں۔
