تیموریہ سے چھینی گئی ویگوچندگھنٹوں میں اورنگی سے برآمد

کراچی ( اسٹاف رپورٹر ) تیموریہ کے علاقے سے چھینی گئی گاڑی ویگو پولیس نے چند گھنٹوں بعد ہی اورنگی ٹاؤن سے برآمد کرلی، ملزمان فرار ہوگئے۔ تفصیلات کے مطابق پولیس نے شہری کی بروقت اطلاع پر کارروائی کرکے ٹریکر کی مدد سے اس کی گاڑی کا تعاقب شروع کیا گیا ۔ ملزمان مذکورہ چھینی گئی گاڑی ویگو کو منگھوپیر کے بعد اورنگی ٹاؤن لے کر پہنچے، ملزمان پولیس کو دیکھتے ہی تنگ گلیوں کا فائدہ اٹھاتے ہوئے فرار ہونے میں کامیاب ہوگئے۔ ملزمان کی گرفتاری کیلئے کارروائی شروع کردی گئی ہے۔اس حوالے سے متاثرہ شہری نے پولیس کو بیان دیا کہ میں شاپنگ مال کے پاس کھڑا تھا کہ اس دوران دو مسلح افراد نے اسلحہ کے زور پر مجھے یرغمال بنالیا۔