غزہ میں اسرائیلی طیاروں کی بے گھر فلسطینیوں پر بمباری نہ تھمی، گزشتہ 24 گھنٹوں میں مزید 28 فلسطینی شہید ہو گئے ہیں۔
غیر ملکی میڈیا کے مطابق غزہ پر اسرائیلی فوج کی جانب سے کی گئی بم باری کے نتیجے میں گزشتہ 24 گھنٹوں کے دوران 28 فلسطینی شہید اور متعدد زخمی ہوگئے ہی ۔
عرب میڈیا کے مطابق غزہ کے مغرب میں واقع الشاطئ کیمپ کے قریب خیابان حمید پر ایک گھر پر صیہونی فوج کی جانب سے کیے گئے حملوں کے نتیجے میں 4 فلسطینی شہید ہوئے ہیں۔
7 اکتوبر 2023 کے بعد سے اسرائیلی حملوں میں اب تک شہید فلسطینیوں کی مجموعی تعداد 45 ہزار 885 سے تجاوز کر گئی ہے جن میں بچوں اور خواتین کی بڑی تعداد شامل ہیں۔
غزہ وزارت صحت کے مطابق غزہ میں اسرائیلی حملوں کے باعث زخمیوں کی تعداد 109139 تک پہنچ گئی ہے۔
