20 جنوری کو تقریبِ حلف برداری سے قبل دوسری بار امریکا کے صدر منتخب ہونے والے ڈونلڈ ٹرمپ کو سُبکی کا سامنا ہوسکتا ہے۔ نیو یارک کے جج جوآن مرچن ڈونلڈ ٹرمپ کو 10 جنوری کو ہش منی کیس میں سزا سنائیں گے۔
ڈونلڈ ٹرمپ کو عدالت میں طلب کیا گیا ہے اور اُنہیں عدالت کے روبرو پیش ہونا پڑے گا۔ قانون دانوں کا کہنا ہے کہ لازم نہیں کہ عدالت میں پیش ہوکر سزا سننے کے بعد بھی ڈونلڈ ٹرمپ کو شاید ہی جیل کی سلاخوں کا سامنا ہو۔
ڈونلڈ ٹرمپ کو متعدد مقدمات کا سامنا رہا ہے جن میں ہش منی کیس سب سے زیادہ خبروں میں رہا ہے۔ سابق امریکی صدر پر الزامات ثابت ہوچکے ہیں تاہم سزا سنائے جانے پر بھی وہ امریکی صدر ہونے کے ناطے خصوصی رعایت کے تحت سزا بھگتنے سے بچ جائیں گے۔
