کیپ ٹائون (اسپورٹس ڈیسک (جنوبی افریقا نے پاکستان کیخلاف دوسرے ٹیسٹ میچ کی پہلی اننگز میں 615 بنز کر آؤٹ ہوگئی۔ریان رکلٹن نے 259 رنز بنا کر نمایاں رہے۔جنوبی افریقا نے کھیل کے دوسرے دن کاآغاز 4 وکٹوں کے نقصان پر 316 رنز سے کیا۔ ریان رکلٹن 259 رنز کی شاندار اننگ کھیل کر میر حمزہ کی گیند پر آؤٹ ہوئے۔ دیگر بلے بازوں میں کائل ویرین 100، مارکو جینس 62، کیشو مہاراج 40، ڈیوڈ بیڈنگھم 5 اور کیوینا مفاکا 0 کے اسکور پر پویلین لوٹے۔کیگیسو رباڈا 6 رنز بنا کر ناٹ آؤٹ رہے۔پاکستان کی جانب سے محمد عباس اور سلمان آغا نے 3، 3 جبکہ میر حمزہ اور خرم شہزاد نے 2، 2 کھلاڑیوں کو آؤٹ کیا۔جنوبی افریقا نے ٹاس جیت کر پہلے بیٹنگ کرتے ہوئے پہلے دن کا کھیل مکمل ہونے تک 4 وکٹوں کے نقصان پر 316 رنز اسکور کر لیے۔72 رنز پر 3 وکٹیں گر جانے کے بعد جنوبی افریقی اوپنر رائن رکلٹن اور کپتان ٹیمبا بووما کے درمیان 235 رنز کی شراکت نے ٹیم کو مضبوط پوزیشن میں کھڑا کر دیا۔ریان رکلٹن 176 رنز کے ساتھ کریز پر موجود ہیں اور ان کے ساتھ ڈیوڈ بیڈنگھم 4 رنز کے ساتھ ہیں۔جنوبی افریقا کی جانب سے کپتان ٹیمبا بووما 106 رنز بنا کر آؤٹ ہوئے۔ ایڈن مارکرم 17، ویان مولڈر 5 اور ٹرسٹن اسٹبس صفر پر پویلین روانہ ہوئے۔پاکستان کی جانب سے پاکستان کی جانب سے سلمان آغا نے دو جبکہ خرم شہزاد اور محمد عباس نے ایک ایک وکٹ حاصل کی۔ آخری اطلاع تک پاکستان نے اپنی دوسری اننگز میں 3وکٹوں کے نقصان پر 63 رنز بنالیے ،جنوبی افریقا کی پہلی اننگز کا اسکور برابر کرنے کے لیے اسے مزید 552رنز درکار ہیں۔ اوپنر شان مسعود 2رنز بناکر کیچ آئوٹ ہوئے ، خرم غلام 12اور سعود شکیل کھاتہ کھولے بغیر ہی پویلین لوٹ گئے۔ بابراعظم 31اور محمد رضوان 9رنز کے ساتھ وکٹ پر موجود ہیں۔
